الصحة

الشمر و التهاب المفاصل

تقييم المستخدمون: كن أول المصوتون !
دكتور عادل ناجح
أه أه الالام عاوزين نتخلص من الالام خلصنى من الالام وبعدين كلمنى عن العلاج مش قادر استحمل الوجع . دا لسان حال المريض لطبيبه دايما أو مابيدخل عليه الشكوى رقم ١ هيه الالام سواء كان بقا الالام التهاب المفاصل ولا غيرها زى الالام المعدة ولا القولون ولا حتى الالام التهاب الأعصاب كله متعب وصعب الصراحة .
النهاردة هنتكلم عن واحد من أعظم النباتات الطبية على الإطلاق فى التخلص من الالام بغض النظر عن سببه وانا كلامى فى التهاب المفاصل اتكلمنا عن الزنجبيل والعرقسوس كمضادات التهاب وبدأنا نتكلم عن المسكنات الطبيعية وبعد كده هنمسك الأسباب واحدة واحدة .
المهم كوب من الشمر أو الحبة الحلوة زى مابتسمى بالخليج قاتل للألم حقيقة الستات الغلابة وهيه بتحكيلك عن الالام الخشونة بتقولك والله يابنى ركبى بتوجعنى حتى وأنا نايمة مش واقفة بشتغل بعملى لقمتى ولا ماشية اقضى حاجتى من السوق وهنا يأمى وصيتى ليك جربى قبلى ماتحطى حباية المسكن فى بوقك تعملى كوباية شمر والله والله الالام هيتسكن كأنك خدتى حباية بنادول وده اللى بتقوله الدراسات .
طيب فيه فوايد تانية للشمر :
١- رقم واحد ودراسات كتير فى ده فى الالام انحباس الطمث للسيدات .
٢- أمن واقوى دواء لمغص الرضع وحديثى الولادة .
٣- مدر للبن الأم و مدعم لهرموناتها النسائية .
٤- النبات رقم واحد فى منع مشاكل انقطاع الطمث لدى السيدات زى هشاشة العظام و الشيخوخة المبكرة .
٥- معالج نهائى وقوى للشعر الذكورى لدى السيدات شعر الدقن .
٦- علاج ساحر للميه الزرقا اللى فى العين أو إرتفاع ضغط العين .
٧- حامى حمى الكبد ومنظف تام لأعداء الكلى من الصديد والأملاح .
شير لغيرك وبلغه ان احنا عندنا نبات عظيم اسمه الشمر لازم يكون بكل بيت دا نبات ساحر وأمن وفعال .
دمتم بصحة ياأحباب

اظهر المزيد

مقالات ذات صلة

زر الذهاب إلى الأعلى
error: Alert: Content selection is disabled!!
%d مدونون معجبون بهذه: